السلام الحادڭات
ان شاء الله هادي اول مشاركة ليا فهاد القسم وبغيت نشاركم فواحد لحريشة كتجي هشيشة وبنينة
منطولش عليكوم ها المقادير :
نصف كيلو سميدة رقيقة + كاس رايبي + كاس سنيدة + ملح + كاس زيت + بيضة + 2 خمارات + ڤاني + الماء او الحليب لجمع الحرشة
ملاحظة: متكونش قاسحة خليها خفيفة شوية ودهني مقلاة وجدة (الثقيلة) ودردري السميدة و صبيها ف المقلاة ودردري عليها السميدة من فوق ودخليها للفرن حتى طيب وقدميها مع العسل او كوفتير
بالصحة والراحة ، جربوها راه كتجي هائلة
